Kubadilisha msimbo katika bunge la Kenya

Abstract

Katika nchi ya Kenya, wazungumzaj i hutumia lugha ya Kiingereza ambayo ni lugha rasmi, lugha ya Kiswahili ambayo ni lugha ya kitaifa na lugha za kienyeji. Kwa hivyo tunaona kuwa katika nchi hii mazingira ni ya uwingi lugha. Katika mazingira kama haya ubadilishaji msimbo hutokea. Vile vile ubadilishaji msimbo ni jambo ambalo hujitokeza bungeni kwa vile mazingira ya uwili lugha. Aghalabu wabunge wengi hubadilisha msimbo kutoka lugha ya Kiingereza hadi Kiswahili au lugha ya Kiswahili hadi Kiingereza. Hata hivyo wakati mwingine wao hubadilisha msimbo hadi lugha za kienyeji. Katika tasnifu hii tumezingatia ubadilishaji msimbo kutoka lugha ya Kiswahili hadi lugha ya Kiingereza. Tumechunguza sababu zinazowafanya wabunge kubadilisha msimbo, ni aina ipi ya kubadilisha msimbo hujitokeza wabunge wanapobadilisha msimbo na ni kwa kiwango kipi ambacho wao hubadilisha msimbo. Baadhi ya sababu zinazowafanya wabunge kubadilisha msimbo ni kama vile kutaka kutumia muda au maneno machache kueleza j ambo fulani, kunukuu, wabunge kuwa na mielekeo hasi kuhusu baadhi ya istilahi za Kiswahili na pia wao hubadilisha msimbo wanapotaja majina ya mashirika na vyama vya kisiasa. Katika utafiti huu -pia tumechunguza ama mbili za kubadilisha msimbo ambazo hujitokeza bungeni. Aina ya kwanza ni ubadilishaji msimbo -unaotokea baina ya sentensi na aina ya pili ni ubadilishaji msimbo ambapo wabunge hutumia lugha zaidi ya moja katika sentensi. Aina hii ya pili hujitokeza zaidi katika majadiliano ya bunge. Vile vile tumechunguza m kiwango kipi ambacho wabunge hubadilisha msimbo. Je, ni kwa kiwango chajuu, kadiri au kiwango cha chini.